ശിശിരം...

ഒരു പ്രണയം എത്ര വേഗമാണ് 
മാഞ്ഞു പോകുന്നത് ?
പുലർകാല മൂടൽ മഞ്ഞു പോലെ, 
അടർന്നു വീഴുന്ന ഇലകൾ പോലെ,  
പെയ്തു തോർന്ന രാമഴ പോലെ 
കത്തിയമർന്ന തിരികൾ പോലെ 
ഇമകളടച്ചു മൃതമായ
പ്രണയം യാത്രയാവുന്നു.

ഈ ബലഹീന പ്രണയം പോലെയാണ് 
പൂക്കളും ഇലകളും കൊഴിയുന്ന കാലവും 
ഇത് ശിശിരകാലമാണ് 
ഇലകളെല്ലാം കൊഴിയുന്ന കാലം.
തണുപ്പേറുമ്പോൾ  നഷ്ടപ്പെടുന്ന 
പച്ചപ്പുകളുടെ കാലം.

ഇവിടെയിനിയൊരു വൃക്ഷത്തൈ നടുക, 
ഈ നടു മുറ്റത്ത്‌...
എൻറെ  പ്രാണൻ താമസിക്കുന്നയിടത്ത്....
നിലാവ് വീഴുന്ന ചരൽ മുറ്റത്ത്, 
എൻറെ  മനസ്സ് മൂകമായിരിക്കുന്ന 
കൽക്കെട്ടിനരികിൽ...!
ഇലകൾ  ഒരിക്കലും കൊഴിയാതെ
നിറയെ പച്ചപ്പും 
ശാഖകളുമുള്ള  തണലിനായി
ഇന്ന് ഒരു വൃക്ഷം നടുക, ഇവിടെ 
കാത്തിരിക്കാനൊരു വസന്തത്തിനായി...

rtv

12.10.2015